RSS

Category Archives: النشاط المدرسي

صور طلاب فقرة الكمبيوتر في الحفل الختامي 1433هـ – 2012مـ

 

برنامج أنا مسؤول – لتعليم الطلاب الإعتماد على النفس

 

فقرة الكمبيوتر- مدرسة منار سدير- الأستاذ محمد سعيد- حفل أولية- 2011

 

مسابقة المسرح

 

عرض الشرائح هذا يتطلب تفعيل جافاسكربت.

 

 

 

 

 

قصيدة – أبيات في رحلة العمر-عن كيفية تنفيذ الأمر- داخل الكمبيوتر- الأستاذ محمدسعيد…

السلام عليكم ورحمة الله وبركاته
فهذه هي القصيدة الثانية في سلسلة أبيات.
وهي تشرح كيفية تنفيذ الاوامر التي يعطيها المستخدم لنظام التشغيل.

وهنا نقوم بشرح كيفية تشغيل لعبة فيفا مثلا..

يقول احد دارسي الحاسب الآلي تربية نوعية قسم حاسب الفرقة الرابعة

تايه يا اخواتي في الدنيا مش شايف حد يعلمني
كيف يتنـفذ امر معين في الحاسب حد يعرفني
لما اعوز ألعب لي شوية ايه اللي بيحصل فهمني 

المستخدم

راح اقول لك يا بتاع الحاسب يا اللي شكلك منتش حاسب
راح اخلي نظامي يشغللي لعبة فيفا بشكل مناسب
قوم يا نظام شغلي اللعبة بس بسرعة قوم بالواجب 

النظام

حاضر يا سعادة المستخدم كل كلامك عندي اوامر
راح اجيب الناقل ينقلها يبعتها لمعالج حاضر
قوم يا سي نافل ودي اللعبة بالراحة عليها وخليك شاطر 

الناقل

ماشي ياعم نظام مين قدك تأمر تنهي واكلها لوحدك
تعالي يا لعبة فيفا تعالي لازم تييجي كنت انا ناقصك
خدها يا عم معالج واخلص وعالجها بسرعة انا منتظرك 

المعالج

زعلان كده ليه يا ناقل صبرك دا أنا معايا شغل كتير
راح اوزع ادواري بسرعة علي اولادي بدون تاخير
كله ينفذ دوره في لحظة عايش دوري كاني وزير

ثم يقول المعالج لوحدة الجلب والاحضار

روحي هاتيلي اللعبلة بسرعة واياكي تتاخري عن وقتك
اوعي اللعبة تفلت منك انا منتظرك هنا وواقفلك
تجيبيها وتقولي لي اتفضل والا محدش غيري نافعك

ثم يقول المعالج لوحدة الترجمة والتشفير

وانتي يا وحدتنا يا جميلة يا اللي مفيش زيك يا خطيرة
شوفي اللعبة دي اسمها ايه وعايزة ايه وإديها تاشيرة
وإوعي تكسلي يوم عن شغلك علشان تبقي في لحظة سفيرة  

ثم يقول المعالج لوحدة التنفيذ

انتي بقة اللي عليكي الشغل ربنا حيعينك بالقوة
وحندعيلك انه يعينك علي اللعبة اللي عاملة فتوة
لوتتنفذ وعد عليا اديكي جايزةوأشيلك جوة

بعد تنفيذ الامر – يقول المعالج للناقل

قوم يا سعادة الناقل حالا اللعبة خلاص عندي اتعالجت
روح وديها لنظام الحاسب قول له مفيش عندي حاجة وقفت
والمستخدم يلعب عادي برده احنا في الخدمة يا حضرت 

الناقل

ماشي يا عم معالج حاضر شغال طحن مفيش مش قادر
خد يا نظام اللعبة اشتغلت فرحان طبعاً ومفيش شاطر؟
خلي المستخدم يقرفنا يلعب ولا شفتوش بيذاكر 

النظام

مالك ياسي ناقل ياتعبني مش عاجبك أقعد في البيت
هات اللعبة وريح نفسك وابقي قابلني اذا اترقيت
خد يا سعادة المستخدم يا واحشني اللعبة أهيه نورت البيت

المستخدم

يا سلام علي اللعبة يا جماعة لعبة جميلة فين من ساعة
خلي الدارس يتعلم اللي ماهوش فاهم في الساعة
فهمت يا عم الدارس حاجة ولا ما ركزتش يا جماعة 

الدارس

لأ فهمت فهمت تمام يا سلام علي المعلومة ياسلام
أول مرة أفهم يا أخواتي وتقول ما فهمتش دا اسمه كلام
راح أطور من نفسي واذاكر وأعلم نفسي ياللا سلااااااام

وفي النهاية ارجو من الله تعالي ان يتقبل مني هذا العمل خالصا لوجهه الكريم

والسلام عليكم ورحمة الله وبركاته
محمد سعيد

من مذكراتي في الجامعة..

 

قصيدة-أبيات في أنواع المعالجات-الأستاذ محمد سعيد…

بسم الله الرحمن الرحيم

السلام عليكم ورحمة الله وبركاته

فهذه قصيدة في انواع المعالجات ارجوا ان تنال اعجابكم

قاعد كده ليه يا عم معالج والناس واقفة تنادي عليك
منتش سامع ولا مكسل ولا معدش يأثر فيك
عايزين يعرفوا ايه احوالك ايه اللي جري وغير حالك
ايه الفرق بينك واخواتك مين فيكم دلوقتي المالك
حاضر يا نظام طالع حالا انتا شديد والله كده ليه
راح اعرفهم انا واخواتي نكون مين احنا ونطلع ايه 

1

انا المعالج بنتيوم وان من الركنة خلاص انا هاتجن
كله نسيني وراح علي غيري بعد ما كنت انا نامبر وان
دا انا خط معالجتي كان خمسة بقي 14 يا جماعة
مستويين كاشة ومتروق شغال صح لا فيا مياعة
كان فيا نظام ريسيك العالي بعد خلاص ما اتبدل حالي
جابوا معالج تاني بدالي طردوني واروح فين بعيالي

2

انا المعالج بنتيوم تو. ايوه اكيد كلكوا نسيتوه
لكن كنت افضل من غيري فيا اضافة جديدة عليه
زادت كاشتي بضعف مساحة كاشة بنتيوم وان
وكمان زادت ساعتي عليه لما البنتيوم وان اتجن
لكن راحت بدري عليا بعد ما قللوا قيمة الفولت
جاروا عليا وقطعوا رزقي وقالوا لي اقعد زي ما كنت

3

انا المعالج بنتيوم ثري ايوه تمام ولا يعلي عليه
مين يقدر ميجبش في سيرتي وتبقي مامته داعية عليه
طبعا هيقول اني سريع وكاشتي طبعا فوق ال200
دي سرعتها اقصد يعني ليه عاملين منتوش سامعين
لكن زي اخواتي تمام عزلوني وجابوا لي امام
احسن مني وهيعلمني مش مسموح لي باي كلام

4

انا المعالج بنتيوم فور كل اللي في ذهنك بيدور
من اسالة راح اجاوب عنها بس انتم اقفوا لي طابور
فاكرين البرانش بروديكتور اللي كانت من قبلي زمان
صارت احسن عندي وافضل علي تمني منتش ندمان
واياك تغدر بيا يا راجل هتلاقي احسن مني انا فين
دا انا لسة بقول ربي ياهادي لو ترميني هروح علي مين

****

ايا كنت انا اسمي معالج قايم بوظيفتي اللي انا ليها
وانتوا كمان لازم وظيفتكم تقوموا بيها وتبقوا عليها
علشان ربنا يرضي عليكم نفسكوا اوعوا تجنوا عليها
لكن بصوا لمستقبلكوا حطوا امالكوا وابداوا فيها
مش هيغير حالكم غيركم قاعدة مينفعش نغنيها
لكن افهمها واطبقها ربنا هيصبرني عليها

النهاية

وفي الختام ارجوا الله ان يتقبل مني هذا العمل خالصا لوجهه الكريم

والسلام عليكم ورحمة الله وبركاته

من مذكراتي في الجامعة

 

نشاط : تدريب طلاب صف سادس لصف اول

عرض الشرائح هذا يتطلب تفعيل جافاسكربت.

 
 
تابع

Get every new post delivered to your Inbox.

Join 1,086 other followers